استفسار عن عمل موقع الكتروني

أولا: لابد من تعلم لغة برمجة C# asp.net,java او PHP او غيرها والشروحات كثيره في هذا الامر بمشتملتها من OOP وغيرها والتعامل مع قواعد البيانات وارسال واستقبال البيانات ولابد من معرفة التعامل مع APIS لانك ستحتاجها لاحقا في مسألة الدفع

ثانيا: لابد من مشاهدة مواقع تقدم هذه الخدمة لاكتساب معرفة كيف تعمل هذه المواقع ومعرفة المطلوب من العميل 

ثالثا: ستحتاج الى Host جيد وسريع ومؤمن وايضا HTTPS لضمان سلامة البيانات وهذا شرط اساسي مادام الموقع سيقوم به بيانات مهمه وحساسة

رابعا :التعامل مع شركة دفع مثل فورى او غيرها من الشركات التى تقدم خدمات الدفع كthird party 

ومن الافضل التعامل مع ASP.NET لانها جيدة لمثل هذه المشاريع وايضا امان افضل في بعض النواحي والتعامل مع APIS و SDKS و Web services بشكل أفضل.

وهناك تفاصيل كثير ويمكنك البدء والموضوع ليس بالصعب كما ستتخيل ولكن ما ان تبدأ ستجد الامر ممتع ولكن ستحتاج لبعض المساعدات احينا ويمكنك السؤال والكل سيجيبك وستجد ان هذا الامر موجود من قبل وموجود شروحات له .

بالتوفيق

السلام عليكم

اخي الفاضل لو عندك الشغف اللى يخليك تخوض تجربة تعلم لغات برمجة جديدة تعمل بيها الموقع يبقى رد الاخ Mohammad Mashhot ممتاز ليك ومنه هتقدر تمسك خيوط تقدر تبدأ بيها 

اما لو معندكش خبرات وعايز تعمل حاجة بإيديك انصحك تشوف اى سكربت ادارة محتوي قابل للتخصيص زي ووردبريس او جملة وهتلاقي قوالب واضافات تخدم الفكرة اللى انت عايز تعملها على أكمل وجه 

ممكن تشوف المقالة دي فيها مقارنة عن افضل سكربتات ادارة المحتوي كلهم بيدعمو اكتر بوابات الدفع شهرة سواء عربية أو عالمية

بالنسبة للهوست في شركات كتير بتقدم خدمات استضافة ممتازة وبإسعار معقولة زي نيم شيب وبلوهوست أو سايت جراوند والقائمة تطول .. ابدأ بخطة بسيطة لحد ما الموقع يشتغل وساعتها مزود الاستضافة ممكن ينصحك بخطة مناسبة أو ممكن انت من نفسك ترقي لـ VPS 

اما الاسعار والتكلفة اللى هيحددها المميزات والاضافات اللى انت محتاجها لموقعك بس تقريباً ممكن تكون فى حدود 150 لـ 400 دولار قابلة للزيادة

بإختصار شديد الخطوات اللي هتمشي عليها ان شاء الله 

1 - حجز الدومين 

2- حجز الاستضافة وربطها بالدومين

3- تركيب شهادة الامان SSL

4- تركيب برنامج ادارة المحتوي وإضافة المحتوي اللازم

5- تركيب بوابات الدفع

6- تركيب ادوات التحليل 

7- انشاء ملفات شخصية على مواقع التواصل الاجتماعي

في الاخير اخي اتمني لك التوفيق ونصيحة اخيرة لو معندكش الخبرة استعين بشخص محترف يعملك الموقع