Mostafa Salem

السلام عليكم اخي الفاضل لو عندك الشغف اللى يخليك تخوض تجربة تعلم لغات برمجة جديدة تعمل بيها الموقع يبقى رد الاخ Mohammad Mashhot ممتاز ليك ومنه هتقدر تمسك خيوط تقدر تبدأ بيها اما لو معندكش خبرات وعايز تعمل حاجة بإيديك انصحك تشوف اى سكربت ادارة محتوي قابل للتخصيص زي ووردبريس او جملة وهتلاقي قوالب واضافات تخدم الفكرة اللى انت عايز تعملها على أكمل وجه ممكن تشوف المقالة دي فيها مقارنة عن افضل سكربتات ادارة المحتوي كلهم بيدعمو اكتر بوابات الدفع شهرة سواء عربية أو عالمية بالنسبة للهوست في شركات كتير بتقدم خدمات استضافة ممتازة وبإسعار معقولة زي نيم شيب وبلوهوست أو سايت جراوند والقائمة تطول .. ابدأ بخطة بسيطة لحد ما الموقع يشتغل وساعتها مزود الاستضافة ممكن ينصحك بخطة مناسبة أو ممكن انت من نفسك ترقي لـ VPS اما الاسعار والتكلفة اللى هيحددها المميزات والاضافات اللى انت محتاجها لموقعك بس تقريباً ممكن تكون فى حدود 150 لـ 400 دولار قابلة للزيادة بإختصار شديد الخطوات اللي هتمشي عليها ان شاء الله 1 - حجز الدومين 2- حجز الاستضافة وربطها بالدومين 3- تركيب شهادة الامان SSL 4- تركيب برنامج ادارة المحتوي وإضافة المحتوي اللازم 5- تركيب بوابات الدفع 6- تركيب ادوات التحليل 7- انشاء ملفات شخصية على مواقع التواصل الاجتماعي في الاخير اخي اتمني لك التوفيق ونصيحة اخيرة لو معندكش الخبرة استعين بشخص محترف يعملك الموقع

على الرغم من ان السؤال قديم وله اكتر من سنة بس حبيت اضيف المقالة دي وهتلاقي فيها مقارنة شاملة عن اهم 5 منصات تقدر تختار بينهم التعليق للفائدة العامة مقارنة بين شوبيفاي وماجنتو ووكومرس وأوبينكارت

السلام عليكم ورحمة الله وبركاتة اخى العزيز سؤالك يكاد يكون بسيطاً للقارئ العام وما خفى كان أعظم فى البداية أخى الحبيب بما أنك حابب تتخصص فى سيو الوردبريس لابد أنك تكون عارف الاول اساسيات فى اللغات الاتية .. اتش تى ام ال و أيضا سى أس أس وأخيرا php عشان تبقى عارف انت هتعمل أيه وفين وازاى بعد كده الخطوة التانية هتتعلم ازاى تهيئ صفحات الموقع لمحركات البحث وأيه هى متطلبات محركات البحث فى الصفحة بتاعتك اللى من خلالها بيتم تقييم موقعك والخطوة دى هتبقى سهلة جداً بالنسبالك لو عندك اساسيات اللغات اللى ذكرتهالك ازاى هتتعلم ده كله المدارس كتير كل شخص أو مؤسسة بيبقى له مدرسة خاصة به هتدور وتتعلم وتغلط وتكرر تتعلم تانى وطول ما انت شغال هتتعلم نصيحتى ليك خد وقتك على قد ما تقدر فى أنك تتعلم وخلى بالك من العناوين الرنانة ولم على قد ما تقدر واشتغل بأسلوبك الخاص تحياتى .. اى استفسار لا تتردد فى مراسلتى

السلام عليكم ورحمة الله وبركاتة اخى الحبيب ترتيب اليكسا يعتمد اعتماد كلى على عدد الزيارات فقط انتظر يوم او اثنين وستجد التحديث يعمل بشكل اتوماتيكى