• 0

من أفضل وسيط لتحويل الأموال من Paypal؟

لو سمحتوا من هو افضل وكيل لتحويل الاموال من موقع مثل مستقل وخمسات فى مصر .

فارجو من اصحاب الخبره مشاركتى بخبرتهم فى سحب اموالهم ومن هو افضل وكيل يمكننى مراسلته .

شكرا للجميع.

انشر على الشّبكات الاجتماعية


رابط هذه المساهمة
  • 0

انا عن نفسي بستخدم عادي البايبال والربط بيكون عن طريق اي بنك انت بتتعامل معاه. هتروح تستخرج منه كارت ائتماني بضمان حسابك او مرتبك او تعمل شهادة بلاتينية في البنوك الحكومية او وديعة (كل دة مقبول من خلاله تقدر تستخرج كروت ائتمانية) اهم حاجة الكارت دة يكون من شركة فيزا ويكون قابل للتعاملات على الانترنت وحط مليون خط تحت دي علشان البنك ميضحكش عليك وتضطر تروح كل شوية علشان تقدم طلبات تفعيل (غالبا بيكون الكارت دة لونه اسود او رمادي).

كدة انت قطعت المشوار الكبير معاك Credit Card Visa وبلاش ماستر والشركات التانية وتبدأ عملية الربط بالبايبال عادي خالص. النقطة التانية اللي لازم تعرفها انك تحاول تشتري بيها مش بس تستقبل فلوس علشان احيانا بتدخل في حوارات كدة غريبة ويوقفوا الفيزا لسبب او لآخر علشان انت بتستقبل بس. في حاجة كمان انت مش دايما هتقدر تاخد فلوسك دولارات ممكن تلاقي اوقات مبيردوش يطلعوا الفلوس غير بالجنية المصري فالنقطة دي محتاج تحطها فى اعتبارك.

في حلول تانية انا مجربتهاش ممكن انت تسأل عليها لو هي مناسبة ليك. في بنك HSBC اعتقد في كروت عندهم بتقبل التعامل المباشر مع البايبال بس دي انا معرفش عنها حاجة. وفي بعض الناس بتقدر تستخدم Western Union في استقبال الفلوس بالدولار مباشرة من مصدرها من غير وسيط بس بتدفع نسبة على الفلوس دي لانها بتتشحن لمصر وبتستلمها باليد من الفرع.

دي كل معلوماتي عن الموضوع دة. شخصيا بستخدم فيزا كريدت من البنك الاهلي طلعتها بضمان شهادة بلاتينية صغيرة على قد المبلغ اللي ممكن احتاج ادفعه لما احب اشتري حاجة. بقدر استقبل وفي نفس الوقت لما بحتاج اشتري حاجة بستخدمها على طول فا دي بتدخل مع دي وبتجنب مشاكل انها تقف لأى سبب كان. شوف انت الحل اللي يناسبك واسأل تاني وتالت ميضرش لغاية ما تلاقي حل ملائم وسهل ليك في محافظتك ومنطقتك ويكون سهل وقت ما تحتاج الفلوس تجيبها من غير وجع دماغ.

2 اشخاص أعجبوا بهذا

انشر على الشّبكات الاجتماعية


رابط هذه المساهمة
  • 0
بتاريخ منذ ساعة مضت قال Adham Elsharkawy:

شكرا لحضرتك

العفو ليك .. المهم اكون افدتك

1 شخص أعجب بهذا

انشر على الشّبكات الاجتماعية


رابط هذه المساهمة
  • 0

بالنسبة ليا مش بفضل وجود اي شخص يكون وسيط لسحب الأموال من Paypal لان أغلبهم غير موثوقين. ولأن البنوك برضه فيها مشاكل بالنسبة للكروت اللي بتتعامل مع Paypal فقررت اللجوء لـ DixyPay وهي بطاقة من بنك أجنبي وبتتحول الفلوس عليها بالدولار من Paypal وعندي إمكانية أخدهم بالدولار لو ليا حساب دولاري في مصر أو أعرف شخص في الخارج أقدر أحوله الفلوس من خلالها على الفيزا بتاعته. البطاقة دي بتوصل من خلال CardExpress من برا مصر لحد البيت عندي بمبلغ مالي وبقدر أسحب بيها الفلوس بالمصري من أي ماكينة ATM لأي بنك بشكل عادي جداً حسب سعر تحويل الدولار في البنك ده. 

1 شخص أعجب بهذا

انشر على الشّبكات الاجتماعية


رابط هذه المساهمة
  • 0

بص يا باشا لو أنت عايز فلوسك في أسرع وقت من غير لف ودوران وهتقدر تدفع عمولة تحويل صافي تقريباً توصل لـ 7% ممكن تتنازل شوية وتتعامل مع أحد عملاء خمسات ... وستجدهم عبر هذا الرابط https://khamsat.com/payment- ..agents

وأنا شخصياً ليا تجربة ناجحة مع وسيط أحمد علي البخيتان دي شركة ناجحة وبتوصل لك فلوسك بأكثر من طريقة وأنا استلمت فلوسي عن طريق البريد المصري ، بس ضروري تراسلهم قبل التحويل علشان يخبروك بشروطهم والإميل اللي هتحول عليه ... أرجو أن أكون قد أفدتك

1 شخص أعجب بهذا

انشر على الشّبكات الاجتماعية


رابط هذه المساهمة

يجب أن تكون عضوًا لدينا لتتمكّن من التعليق

انشاء حساب جديد

يستغرق التسجيل بضع ثوان فقط


سجّل حسابًا جديدًا

تسجيل الدخول

تملك حسابا مسجّلا بالفعل؟


سجّل دخولك الآن