Ahmed Ahm

أولا العفو اخي ابراهيم من واجبي اساعد ثانيا انا اقصد على اهانة يوتيوب اقصد المحتوى لان اليوتيوب فيه كل ما تتوقع ... انا مش فارق معايا يوتيوب انا مقصدي الدورات اللي موجوده فيه من ناس كبيرة ومن اكبر صناع المحتوى في مجال البرمجة زي الزيرو وغيره كثير ف اليوتيوب حرفيا من اهم مصادر التعلم ولكن انا فاهم ان حضرتك كنت محتاج حد يبدأ معاك عشان تبقا ماشي صح وقرار موفق فعلا ثالثا عشان اكون واضح حاول حاول تجمع معلومات وتتعلم من اكتر من مصدر ودا مش تشتيت وانما محاولة الاستفادة من اي مصدر ( موثوق طبعا ) لانه اكيد مفيش مصدر كامل ووافي وانما احنا بنحاول على قدر الامكان نستفيد من اي مصدر موثوق آخر شيء اتمنى اني افدتك ولو بشيء بسيط وان شاءالله اكون وضحت الفكرة لك ... لو عند حضرتك اي استفسار او غيره انا موجود ان شاءالله هساعدك موفق اخي ابراهيم

اخي ابراهيم ممكن تحس اني ببالغ او غيره بس خليني اقولك انك احسن من غيرك بكتير فكرة ان انت تقف وتكمل وتقف وتكمل شيء مهم انت كده بتحاول عشان اللي بتحبه عشان حابب تتعلم مجال انت عايز تشتغل فيه. طيب هل من اللي حضرتك قلته فيه حاجه قولتها وهيا مش احسن حاجه ف ايوه انك استهنت ببعض المصادر زي يوتيوب انا شخصيا اعرف ناس كتير مصدر تعلمهم كان يوتيوب مصدر مجاني مش لازم يكون مصدر مدفوع عشان تتعلم صح في منصات واكاديميات كبيرة فعلا الاحسن انك تتعلم منها طبعا زي حسوب ... بس برضو في ناس تعلموا بشكل مجاني و بيعملوا شغل وعندهم مشاريع كبيرة خاصة بيهم ف التعلم المجاني مش عيب ابدا حضرتك معاناتك دي صدقني اي شخص عدت عليه المعاناة دي بس حضرتك بتحاول ودا اللي بيميز شخص داخل مجال ومع اول تعثر او صعوبة وقف وقرر ان يتخلى عن هدفه صدقني اللي زي حضرتك بيتعلموا وبيبقوا اصحاب مشاريع بسبب العقلية دي اللي مش بسهولة بتقع ومش بسهولة بتتخلى عن هدفها مش لازم تشترك في كورسات كتير مش لازم تتعلم لغات برمجة كتير في واحد ممكن يتعلم ويتقن لغة برمجة واحده ويبدأ يعمل مشاريع ويحسن من نفسه تدريجي ولو فيه امكانية يتعلم حاجه زيادة ودا طبيعي اي شخص مهما كان مستواه بيتعلم كل يوم في البرمجة بالذات حجات جديده عشان دا مجال بيطور بسرعة نصيحيتي ليك باهختصار كمل بنفس اصرارك بس الفرق المرة دي انك هتبدأ من الأول ويكون عندك هدف اكثر وضوح يعني تدخل كورس تبقا عارف انت هتطلع منه وتشتغل ايه او هتعمل ايه كورس واجهات المستخدم مثلا وتطلع منه تحاول تعمل لنفسك مشاريع تحاول تربح منها صدقني دا اكتر مجال تقدر تربح منه بس محتاج اللي يعرف يكمل صح حضرتك انا ممكن طولت في الرد بس عشان بجد كفاية محاولاتك واصرارك على التعلم وصدقني ربنا مش بيضيع تعب حد و هتعمل حاجه كبيرة وهتبقا صاحب مشاريع كبيرة بس كمل وخلي ليك هدف واضح ... مثلا انا هبقا مطور العاب او هشتغل في اي مجال تاني وهتخلص وتبقا حاسس انك عملت حاجه كبيرة ان شاءالله بالتوفيق في كل اللي جاي ان شاءالله ومتيأسش وربنا معاك ومتفكرش في صعوبة او كترة مصادر خلي التركيز على هدف هوا المتحكم بيك ربنا يشيل الهم عنك وهتبقا احسن وافضل مبرمج ان شاءالله صلي على النبي واستعن بالله ولا تيأس وكمل.