Khaled Fozan

11 خطوة لكتابة أفضل – تعلم كتابة المحتوى واكسب منها 25 دولار يوميا" أفضل شركة كتابة محتوى, نماذج كتابة محتوى, كتابة محتوى تسويقي جاهز, أسعار كتابة المحتوى في السعودية, شركة كتابة محتوى السعودية, شركات كتابة محتوى, شركات صناعة المحتوى في السعودية, أفضل شركة كتابة محتوى, أسعار كتابة المحتوى في السعودية, كتابة محتوى تسويقي جاهز, خدمة كتابة المحتوى, نماذج كتابة محتوى, شركات التسويق الإلكتروني في السعودية, نأخذ بوئ قهوة, مش عارف ليه الناس مقتنعين أن انا بطلع بقى أيه بالمج فاضي وأقعد أمثل؟ ايه يا جدعان اهو المج مليان اهو مش باين بس والله فيه, ادلقها في الارض عشان تصدقوا؟ المهم النهارده هقول لك على 11 نصيحة او خطوة هيخلوا كتابتك أفضل بكتير من دلوقتي بكتير جداً فركز معايا قوي وهات ورقة وقلم واعمل شوية شاي او قهوة بزبدة لو ماشي على كيتو لغاية ما المقدمة تخلص, وقبل ما تقفل الفيديو وتهرب الحلقة دي مش معمولة للي شغالين في مجال الكتابة بس ولكن هتفيدك مهما كان مجالك وعد. صباحكوا فل ومساءكوا احلى انا ويلش ودي حلقة جديدة من باشكاتب واللي بردو اسمها WRITE IT RIGHT كنا لسا بنتكلم على موضوع القهوة بالزبدة والكلام ده انا مش مقتنع به بصراحة يا جماعة معلش. المهم كلنا بلا استثناء بنكتب سواء ده بقى لشغلك ولا في المدرسة ولا الجامعة ولا التدوين الشخصي او على السوشال ميديا المهم ان احنا بنكتب كل يوم وأهمية الكتابة جاية من انها تعبير مباشر عن شخصياتنا وقدراتنا وحتى درجة احترافيتنا وفهمنا للمواضيع او لموضوع معين, لذلك هي مهارة مهمة لأي حد مهما كان شغله او دراسته او سنه او مكانه في الحياة بغض النظر بيعمل أيه. انا مبسوط جداً برجوع السلسة دي واتمنى الحلقة دي تكون بداية لحلقات تساعدكم كتير لأني قررت كدا قرار هبقى أشاركوا معاكوا بعدين بس السلسة دي حتشوفوا منها حجات جديدة كتير وعد نبدأ بقى وش. 1- اول حاجة لازم تسألها لنفسك انت بتكتب ليه؟ أهداف كتابتك مهمة قوي ولازم تحددها قبل أي حاجة يمكن تكون بتكتب عشان تزود عدد الكلمات اللي بتكتبها يعني عايز تكتب كلمات كتير, او يمكن عايز تحسن حصيلة المفردات اللي عندك يعني عايز تعليها شوية تبقى كدا عندك مجموعة كبيرة يعني مثلاً في هدف زيادة عدد الكلمات انت محتاج تركز على زيادة عدد الكلمات بطريقة صحيحة مش اللي هو ايه تحشي, حشو ايه ايه ايه اي كلام في اي كلام والجملة اللي تتقال والحاجة تتقال في كلمة تعملها انت جملة اااا 10 كلمات ... مينفعش, عشان كدا قولت بطريقة صحيحة لأن زيادة عدد الكلمات اللي بتكتبها مش معناها بالضرورة انك كاتب كويس, يعني مثلا لما حد يجي يقولي ايه انا بكتب 5000 كلمة في اليوم, انت حلو وجميل وريني ال 5000 كلمة دول؟ لما بقعد اجي على ال 5000 كلمة كل واحدة منهم يعني مثلا لو 5 مقالات كل مقال 1000 كلمة كل مقال يبقى 500 يعني يتصف كدا على 500 ودا لأن في طرق ممكن توضح بيها نقطة بشكل مختصر وأفضل بس بردو في نفس الوقت مش هتبقى كاتب أفضل لو كتبت قليل معادلة شكلها صعب؟ يعني اللي هو ايه لو بتكتب كتير مش معناها انك كاتب كويس ولو بتكتب قليل فأنت بردو كدا مش كاتب كويس فالحل.. انك تزود عدد الكلمات بطريقة صحيحة يعني المعادلة شكلها صعب بس هي مش صعبة ولا حاجة محتاجة بس ايه ؟ تدريب, فهدفك هنا مش الكتابة في المطلق وخلاص لكن تكتب كتير وتتعلم تختصر في نفس الوقت لأن اللف والدوران ممل وبيخلي القارئ يتشتت ولو بيسمع او يتفرج يعني مثلاً بيسمع او بيتفرج على بودكاست او فيديو عادي بيزهق الا بقى لو انت مارك مانسن ولا ستيفن كينج ولا جيمس كلير دي حاجة تانيه, الناس دي بتكتب كتير في اليوم لكن لو مش في المرحله دي يبقى لسا محتاج تشتغل على الكتابه كتير, وتشتغل كمان على التوضيح بأختصار غير مخل كمان في هدف تعلم مفردات جديده لازم تعرف قبل اي حاجة ان استخدام كلام غامض وعميق زيادة عن اللزوم او غير مستخدم غلط جداً ومش شطاره يعني, مثلا ايه لو في كاتب كده بيجيب كلام عجيب قديم غير مستخدم او طويل او صعب نطقه ده مش شاطر لان الكتابة مصطلحات وكلمات معروفة ومستخدمه وفي نفس الوقت معبره بشكل حلو هيخلي الكابي بتاعتك او بتاعك قابل للقراءة والناس عايزين يستمروا في قرايته يعني مش هو ايه يقرأ سطرين ويخرج لا عايز يشوف الفقرة اللي بعدها السطر اللي بعده الفقره اللي بعدها وهكذا, وأفضل حاجة تخليك تكبر الحصيلة اللغوية بتاعتك هي الفراءة وكتابة اللي فهمته وحاجة اسمها كوبي رايتنغ, ودي اتكلمت عنها فيديو افضل واسرع طريقة للتعلم الذاتي هيظهر فوق وهيبقى في وصف الفيديو بالطريقة دي بتعتمد على نقل اللي بتقرأه وكتابته بأيدك يعني كتبت كتابة يعني دي الكتاب وتنقل كده اتفرجوا, على الفيديو هتفهمه اكتر ولا القصد مش انك تنقل الكتاب ولا المقال وتروح تنشره عشان في ناس كتبت تعليقات عجيبه على الفيديو ده بقول لنفسك عشان تدرب وتحسن طريقة كتابتك وتزود المفردات بتاعتك في فرق كبير في اداء كتير تانيه وانت ممكن تحددها, بنفسك تشوف ايه اللي محتاج تشتغل عليه وتظبطه وتعمله هدف كده وكل يوم تشتغل والاهداف دي تختلف عن أهداف المنتج اللي بتكتب له طبعاً يعني بينهم مش محتاجه اوضح يعني انت راجل كاتب وزي الفل. 2- وقت الكتابة: بتكتب امتى في اليوم لازم يكون, مناسب لك انت يعني انا ما ينفعش اقول لك لا انت عايزه تكتب الصبح او لازم تكتب بالليل او ما اعرفش تكتب لا دي لازم تبقى مناسبة ليك انت بس عن تجربة الكتابه الصبح اول ما تبدأ يومك هتفرق معاك كتير جدا خصوصا لو نايم كويس هتفرق جداً دي بس تجربة يعني انت بقى شوف المناسب لك واعمله لان بردو عندي تجارب كتير للكتابة بالليل وكانت زي الفل المهم انت مش عايزك تعيد نفسك الكتابة مهنة ابداعية وقت ما تعرف تكتب اكتب وش كده حتى في الحمام او في الشارع او في مطعم اكتب طبعا لو في مشروع او ديد لاين مش هنسيب الكلام بقى بمزاجنا ونستنى الوحي ينزل علينا والكلام ده والا هناكل نجيله فيعني ايه وزن المواضيع لو عندك وقت ابقى اكتب وانت ايه مستعد تكتب ماعندكش وقت يبقى لازم تقعد تكتب يعني لازم المهم تحاول تحدد افضل وقت للكتابة بالنسبة لك 3- الكتابه اليومية: بديه جداً اني اقول لك لازم تكتب كل يوم لازم الموضوع مش اختياري خالص ايوه الكتابة مجال ابداعي بس المبدع والموهوب من غير تدريب وممارسة مستمرة مش هيكمل ولا هيبدأ من الاخر تعود نفسك على الكتابة بشكل يومي سواء عندك شغل ولا ماعندكش شغل مش مهم ولو مش عايز تكتب ايه اكتب عن انك مش عارف تكتب ايه يعني مفيش حجة يعني تقعد كده وتكتب مثلا ايه النهاردة ما فيش ولا فكرة في دماغي مش عارف ليه مع اني نايم كويس قوي وصاحي بدري واكلت ما اعرفش ايه وامي عملت فطار جامد محصلش وكمل بقى انت فاهم كده بالضبط والله انا ده اللي انا بعمله وابدأ احكي بقى عن اليوم وانا بكتب الكتابة كل يوم مهمة فوق ما تتخيل ولازم تبقى عادة عندك نقطة مهمة كده نحط تحتها خط وانت بتكتب والحماس واخدك وجيت عند معلومة بقى والنقطة متأكد منها او حسيت انها محتاجة حاجات تانية تتكتب ولازم تعمل بحث عنها ما توقفش كتابة ما توقفش كتابة وتروح تعمل بحث لا اكتب مثلا جنبها كومنت كده محتاجة بحث وكمل بقى عادي الكتابة بتاعتك ولما تخلص كتابة ابقى اعمل سيرش وارجع وزود المعلومات على النقطة دي متقطعش الافكار اكتب. 4- دايما خلي معاك Notebook: الافكار وللاسف يعني غالبا بتيجي في اوقات غير مناسبة وفي اماكن عجيبة كلنا متفقين على كده ودي ليها حاجة في علم النفس هبقى اتكلم عليها بعدين تخلي في جيبك دايما قلم ونوت بوك او حاجة يعني واول ما تجيلك الفكرة اكتبها من غير تأجيل يعني ما تقولش ايه هبقى افتكرها لا اكتبها دلوقتي متفكرش ثانتين بعد ما الفكره تجيلك عشان %99 مش هتفتكرها بعد ثانتين كمان اوعى تقول على فكرة هيفاء اكتب كل حاجة واحتفظ بها طبعا تقدر تستخدم التليفون بس انا بفضل القلم والورقة ولما تجربهم هتلاقي نفسك مش قادر تستغنى عنهم ومش قادر تعال انت بقى اخر اليوم اقعد وشوف الافكار اللي كتبتها خلال اليوم مش هتصدق العظمة ولا عدد الافكار اللي جالك بسبب كل فكره منهم يعني كل فكرة كتبتها هيجيلك منها افكار جديدة هي دي قيمة الورقة والقلم وكتابة الافكار 5- البحث: في النقطة الثالثة كلمتك عن البحث اثناء الكتاب وده مهم واللي هو انا قلت عليه ان هو بحث اثناء ما انت بتكتب على جنب كومنت زي ما قلت في النقطة اللي فات مش اللي فاتت اللي قبلها بس البحث اللي بيسبق الكتابة اهم لان ده ايه عارف بتاع العربية ده هو ده اللي بيخليك تبدأ فلو هتكتب عن موضوع معين لازم تقرأ عنه وتبحث عن الكتابات السابقة وتجمع مصادر تنفعك قرايتك وبحثك هم اللي هيخلوك تبدأ تكتب يعني مثلا هتكتب مقال عن موضوع معين فتدخل حبيبك جوجل تسأله عن الموضوع وتشوف كل الموضوعات الموجودة في اول صفحتين وتختار منهم المرتبط والمتعلق فعلا بموضوعك وتبدأ تتصفحهم وتفرزهم وبعد كده تختار الاقوى وتبدأ تقراه طبعا لو في كتاب عن موضوع معين تبقى حاجة جميلة جداً بس حالات كتير مش هتحتاج تعمل بحث عميق يتضمن قراءة الكتاب الا لو بتكتب موضوع متخصص قوي ومحتاج تعرف معلومات اكثر واعمق وقتها لازم تقرأ طبعا الموضوع ده في نفس القصه لو هتكتب اعلان او هتعمل حملة اعلانية على السوشال ميديا وهتكتب بقى وفيديو واعلانات مدفوعه وكل الكلام ده فلازم تعرف المنتج كويس ولازم تشوف حملات الشركة السابقة ولازم تشوف حملات شركات تانية شغالة في نفس المنتج او منتجات قريبة منه ده البحث بتاعك وطبعا لازم تحط في دماغك ان طريقة الكتابة على كل منصة بتختلف يعني لو مثلاً بتكلم جمهور الفيسبوك فطريقتك هتختلف عن تويتر وعلى الانستجرام يعني انا مثلا في حملة اشتغلت عليها في 2021 شفت غالبية الحملات السابقة اللي بتتكلم عن البيئة لان الحملة كانت للشركة عايزة تعمل حاجة عن البيئة وبتاع شفت الحاجات بتاعت الشركة وشفت الشركات الثانية كتبت حوالي ست سكريبتات وسجلتهم بصوتي عشان احس بالايه بالسكريبت كده واشوف اقوى حاجة فيهم لان هو كان في فويس اوفر هيشتغل عليه وده كان عربي وانجليزي حتى يوم تسجيل الفويس مقلتش بقى هنا كتبت كده شكرا لا قعدت مع الارتست وهو بيسجل يعني عشان ازبط الالقاء بالطريقة المناسبة ويبقى نطق الكلمات اصح ما يكون وبالتون اللي انا عايزها. 6- محفزات الكتابة : جديده دي PROMPTS او محفزات الكتابة هي حاجة عاملة زي الاوامر اللي بتديها لمخك عشان تكتب الجديدة دي عشان كده قلت لك كمل للأخر دورها انها تديك المفتاح او اول الخيط عشان تكتب عن موضوع معين او انك تلاقي فكرة تكتب عنها ومش بقولك استخدمها طول الوقت لكن جرب تستخدمها من وقت للثاني عشان تشوف نتيجة او لقيت نفسك يعني عندك بلوك مش قادر تكتب اي كلمة ولو عملت دوقتي هتلاقي حاجات كتير جداً وهقولك امثلة: مثلاً يعني اكتب عن شخصية في قصتك بتقابل حاجة مرعبة بس مشهد كده جاوب مثلا على سؤال ايه اكتر حضارة او ثقافة بتحبها, جاوب على سؤال ايه احلى افلام شفتها السنة دي ادخل بعد الفيديو واكتب كده على جوجل واوعدك هتنبهر وهتكتب حاجة يعني هتطلع من الموضوع بحاجة كتبتها 7- الخطوط العريضة: يعني ايه خطوط عريضة ؟ عارف زمان كده لما كان بجيلنا موضوعات تعبير وتديك عناصر رئيسية مش عارف لسا بيعملوا الموضوع ده ولا لأ بس على ايامي كانوا بيكتبولنا عناصر رئيسية لموضوع التعبير عشان نبني عليها الموضوع بس انا ما وقفتش انت فاهم نفس الفكرة دي ممكن تطبقها انت كمان ده لو بنصح انك لو مبتدئ تستخدمها دايماً وحتى لو مش مبتدئ انا بستخدمها لغاية دوقتي مثال يعني مثلاً عن تلسكوب هابل الفضائي واحد مقدمه وخلفية عن الموضوع تكتب كده اثنين التعليق بتلسكوب وسبب التسميه تلاته من هو اربعة معلومات اعمق عن التلسكوب خمسة اكتشفت التلسكوب ستة الخاتمة ومستقبل تلسكوب عظمة هو ده بقى الهيكل اللي لازم تبدأ تملاه بعد ما تكتب العناصر وتقعد بقى تراجع وتزود وتضبط وتضيف وكده يعني بالضبط زي هيكل البيت بتعمل خرسانه وبعد كده تملاه بقى ايه تحط حيطان وتأسس كهرباء وتعمل محاره ووش معجون مصنفره وبلاط هي دي الكتابة بالضبط بتدهن وتفرش وكده وفي الاخر يجي المهندس يستلم ويتبسط منك ويديلك المصلحة طبعا لازم تعمل كم خطوة قبل ما تكتب الخطوط العريضة يعني حاجة زي البحث مثلا او تكتب قايمه بالموضوعات اللي عايز تتكلم عنها في المقال رتب العناصر بشكل حلو واكتب. 8- اختصر: اختصر الرغي الكثير واللف والدوران مش حلو في الكتابة زي ما انا قلت في اول الفيديو سواء بتكتبوا رواية او مقال او حتى ايميل وخصوصا الايميل ادخل في صلب الموضوع على طول بس طبعا الكلام ده لا ينطبق على الشرح يعني لو بتشرح موضوع في فيديو او في محاضرة لايف كده لازم تتكلم عن التفاصيل وتشرح لايف يبقى تعيد تاني وتالت وبطريقة مختلفة عشان الفكرة توصل للكل لكن متقولش انا هختصر ده كلام فاضي لو بتشرح في فرق كبير لذلك لما باجي اكتب مانويل او دليل استخدام بذكر كل حاجة دقيقة جوا المنتج عشان المستخدم يقدر يستخدمه بسرعة باختصار ايوه لكن بذكر كل حاجة تقدر تساعد المستخدم ان يطلع المسدس ده من العلبة ويستخدمه شد يا ابني البتاعة دي حط البتاع هنا اضرب شكرا فالكتابة العاديه زي كتابة خبر مثلا او مقال عادي تختلف عن حاجة هتشرح فيها او يعني الناس هتذاكر منها او حاجة الناس هتسخدمها زي الفيديو اكس او كل حاجة تختلف في في الاخر التفاصيل الغير ممله مهمة 9- بتكلم مين: من اهم الحاجات اللي لازم تحطها في الاعتبار هي الجمهور اللي بتكلمه لان على الاساس هتحدد طريقة كتابتك وازاي هتعرض المعلومات وازاي هتشرحها وايه هي نوع المعلومات اللي هتضيفها للمقال فلازم تتأكد ان كل الكلام اللي بتكتبه مناسب لجمهورك يعني مثلا ما ينفعش تكتب مقال متخصص قوي هيخاطب جمهور متخصص بنفس اللغة والطريقة اللي هتكتب بيها مقال او نفس المقال على موقع عادي بيخاطب الكل يعني مثلا انت هتتكلم عن المريخ تمام مينفعش تكتب مقال هيقراه متخصص وتجيب نفس الموضوع تكتبه ونفس الطريقة لجمهور عادي لا لازم تغير طريقتك او لو بتكتب موضوع عن SEO المبتدئين ما ينفعش تكتبه من غير ما تقول Search engine Optimizatio لأنه للمبتدئين وهم مش عارفين يعني ايه دي بتاعة ايه واسمها SEO مش SEW دي يعني اشوفك بعدين لازم تحدد انت هتكتب لمين وازاي 10- المراجعه: المراجعة واحدة من اهم الخطوات اللي لازم تبقى موجودة روتينيا ما ينفعش تنشر اول درافت على طول خالص اتبع كل الخطوات اللي فاتت وبعدين قوم سيب كل حاجة واعمل اي حاجة تانية اعمل شاي بقى واقعد اتفرج على فيلم اتفرج على فيديوهات قطط وكلاب والكلام ده المهم يعني ايه تبعد وبعدين ارجع اقرأ اللي كتبته وزي ما قلت في فيديو قبل كده قول القرف ده لو احنا كده القرف ده لوحدك كده وتبدأ بقى تراجع كويس وتعيد كتابة الاجزاء وتضبط السرد لا اكيد مش هيعجبك يعني وتصحح الاخطاء الاملائية بس فل جدا هي دي المراجعة اللي هو مش نظرة سريعة وشكرا لا هي دي المراجعة لازم تبعد عن اللي كتبته وبعدين ترجع تقراه وتراجع لازم الخطوة دي مهمة. 11- احكي: لازم تكتب بشكل طبيعي انت ما بتألفش كتاب مدرسة لازم تبقى ستوري طلع الكاتب الناجح بيحكي قصة وبيكتب بطريقة بتجبر القارئ على انه يكمل للسطر اللي بعده والفقرة اللي بعدها لغاية ما يخلص المقال بتاعك او الكتاب بس يعني ايه او السرد القصصي هو الكتابه بشكل تفاعلي ونقل الصورة يقدر يتخيلها ويعيش معها اللي بيقرا فكر كده في الاعلانات الناجحة مش بتشوفها كل يوم يعني فكرفي البوستات اللي بتبقى فيروس في ساعتين غالبيتهم فيهم قصة بتتقال حاجة بتربطك بالبوست لو الفيديو لدرجة انك بتتخيل نفسك في نفس الموقف مهم قوي تتعلم المهارة دي عشان كتاباتك تنجح وبعدين هتكلم عنها في فيديو بالتفصيل يعني قريب كده بس اكتب الموضوع بتاعها اصلا في حاجات قلتها النهاردة محتاجة فيديو لوحدها يعني حاجات كدا ايه لازم تتشرح اكتر وهيحصل ان شاء الله. 12- حس بالقارب: خلي اللي بيقرا يحس انك عارف هو بيدور على ايه؟ ايه مشكلته؟ كانك جوه عقله وعايش اللي عايشه وده جزء كبير قوي من الستوري وينطبق على كل اشكال الكتابة لازم تحسسه انك بتتكلم من مكانه. تأكيد اخير: اقرا واكتب كل يوم, الكتابة مهمة لكل الناس مش بس للكتاب بس اشوفك الحلقة الجاية اوفر مش فاكر كنت عايز اتكلم عن ايه انت كده.