Shams Jomaa

السلام عليكم عزيزتي بالنسبة للون الذهبي او الفضي ففي طريقة سهلة لوضع اي لون عجبك يعني درجات اللون كتير منوعة ومختلفة واذا انتي كنتي بدك درجة معينة من لون معين انتي شفتيها ف تصميم معين او صورة معينة فيكي اول شي تسحبي الصورة الي فيها هاد الدرجة من اللون وباستخدام اداة ال Eyedroppre tool فيكي تسحبي اللون من الصورة ف بيظهرلك وفيكي بعدها تعرفي الكود الخاص بهاد الدرجة من اللون وتحفظيها عندك هاي طريقة سهلة كتير ف الفوتشوب. اما بالنسبة للاضاءة ف الصورة االتانية اضاءة الخلفية عبارة عن ظل واضاءة الصورة كاملة عبارة عن تخفيف ف ال Opacity بشكل عام بدرجة بسيطة مشان يحط شعار الموقع الخاص في ويعتم الصورة بالنسبة لبرنامج الفوتشوب والايلسترتور ، بما انك مبتدئة انصح انك تاخدي او تتعلمي الاساسات للبرنامجين الاتنين لكن انتي طبعا رح تلاقي الفوتشوب ابسط بالنسبة الك بشكل عام لكن فيما يخص الشعارات او اللوجو او الاشكال الصعبة شوي، ف رح تلاقي صعوبة تستخدمي الفوتشوب الهم ف الايلسترتور رح يريحك بهيك شغلات وبالاخر البرنامجين بيكملو بعض يعني لمن تيجي بدك تستخدمي الاليستريتور رح تلاقي حالك كل شوي بتروحي على الفوتشوب مشان تكملي التعديل وترجعي تاني.