Ibrahim Harb

الدورة اللي قدمت عليها ضاعت

السلام عليكم ورحمة الله وبركاته ابغى تعريف للمصطلحات التالية لأنها جالسة تتكرر صراحة وأنا مسوي اني فاهمها: full stack developer server أو خادم(قد حصل وواحد من هنا منّ علي واعطاني رابط ودخلت أقرا لكن لقيت مصطلحات أصعب أو جديدة علي ) منصة العمل أو اطار العمل أو بيئة العمل وليه كل لغة تحتاج منصة عمل يعني ليه ما تكتب اللغة ويفهمها المتصفح وليه كل لغة معها اطار عمل ؟ اش معنى مكتبة ؟ وش الفرق بين مطور خلفية ومطور واجهة ؟ مطور الألعاب حق الجوال هل يجب ينفعه يكون مطور واجهة أو خلفية ؟ هل بتنفعني مهارات البرمجة في برمجة الألات الكهربائية مثل المكيف أو المايكرويف ...الخ ؟ هل أقدر اكتفي بدورات حسوب أو حسوب كمصدر حتى أصير مبرمج متمكن ومعتمد ؟ وشهو الذكاء الاصطناعي وأين يلتقي مع البرمجة ؟ اسمع بتخصصات رقمية كثييييييير لكن ماني فاهم وش الفرق بينها , مثلا تخصص اسمه تخصص برمجيات ثم تخصص نظم معلومات و تخصص ادارة معلومات و تخصص تطبيقات الويب ... الخ؟ هذا وصلى الله وسلم , أعتذر لكن كمبرر على الاطالة أنا أعتمد على معلوماتي عن البرمجة من هذا المكان .

انا تخصصي كهرباء وفي الكهرباء والالكترونيات تمر علينا مقررات زي البوابات المنطقية و التحكم الألي والتحكم المنطقي وأشياء شبيهة بالبرمجة ومع اني خلصت المقررات ذي لكن وربي ما أعلم كوعي من بوعي فيها عشان كذا يهمني جدا أتعلم البرمجة منذ مبطي وتوجهت لليوتيوب واستعنت بكتب حملتها اونلاين لكن صراحة ما استفدت حتى لقيت الموقع ذا حقكم ولو ان سعر الدورة يكسر الظهر لكن مبسوط جدا جدا بها ولا زال عندي بضعة أسئلة لو تكرمتوا تعطوني لها أجوبة شافية. هل تعلمي للبرمجة بيخليني أستوعب مقررات في دراستي زي التحكم الالي والتحكم المنطقي ؟ لا زلت في بداية الدورة ما صار لي معكم شهر ومع ذلك ماني فاهم مرررة وش الفرق بين لغات البرمجة, يعني لو مثلا تعلمت لغة جافا سكريبت هل أقدر وبس باللغة ذي اسوي العاب واكتب برامج واسوي مواقع ولا لازم أتعلم أكثر من لغة واذا لا ليه ما أقدر بالاستعانة فقط بلغة وحدة أسوي كل شئ ؟ كم لغة أقدر أتعلم ؟ لو مثلا عشان أكون مبرمج ما يصعب عليه شئ كم أحتاج لغة أتعلمها ؟ هل تعلمي للبرمجة وفي نفس الوقت ادرس كهرباء بيخرب علي تخصصي ؟ برامج زي الواتس اب أو تويتر أو حتى ألعاب هل من الممكن أن يقف ورائها فقط شخص واحد ويداوم على تطويرها وحل مشكلاتها ولا لابد من فريق عمل لهكذا برنامج عشان انجح ؟ وش العلوم اللي تدخل في بناء كمبيوتر من الصفر ؟ وشكرا لكم

لقيت دورات مجانية في يودمي وحصل اختي شرت لي دورة معها هل تستاهل وقتي ؟ هل هي مفيدة يعني

السلام عليكم الأمن السيبراني ، ليه ما سمعنا عنه الا من فترة قريبة وملاحظ تركيز عليه ودورات كثير عنه في كلمات قليلة وش هو أصلا وايش استخدامه ولأي درجة مهم وهل يعتبر تخصص لحاله ، بحثت عنه أنا لكن وجدت الجميع يتكلم عنه واذا ما تناقضوا اختلفوا وصراحة اثق بالمكان ذا عشان كذا بأخذ معلوماتي منه

السلام عليكم بأكسب وصول لكل الدورات الموجودة هنا ب ١٦٠ دولار ؟

السلام عليكم ورحمة الله وبركاته واحهت مشكلة في شراء اشتراك بدورة في اكاديمية حسوب لا يقبل طريقتي بالدفع كما ان المبلغ مطلوب بالدولار , ارجوا المساعدة