a7mee_ed

أهلا صديقي في البداية عايز اوضحلك انك عشان تبني براند عموما علي الانترنت بتحتاج انك تبني علاقة وثيقة جدا مع الجمهور حتي يكونوا هما اداة التسويق القوية خاصتك "Word of Mouth". وعشان تقدر تبني قاعدة جمهور لازم يكون عندك شئ اضافي او خدمة اضافية بتقدمها لجمهورك مش بيقدروا يجدوها في اي مكان تاني او تكون خدماتك موجودة عند منافسيك بس انت بتتفوق عليهم في الجودة او سرعة الاداء او انك طريقتك افضل وخدمتك اسهل بالنسبة لهم. وبما انك هتبني موقع فطبعا لازم تركز علي مدي توافقه مع محركات البجث "SEO" وانك تعمل مدونة جانبية تشارك فيها مقالات تعليمية مفيدة بتحددها علي حسب المشكلة الي بيواجهها جمهورك من وجهة نظرك او من الـ Market Research الي انت عملته قبل بدئك للموقع وتشارك نصائح بتفيد هذا الجمهور وتكون المقالات متوافقة مع عوامل محركات البحث. وطبعا انك تخلي الموقع سهل وسلس في القالب بتاعه والتصميم. وتعمل حسابات علي السوشيال ميديا تشارك فيها محتوي مفيد للمتابعين ومش لازم تشارك لينك موقعك مع كل بوست لانه بيقلل معدل الوصول ويفضل انك تشارك بوستات مفيدة بدون لينك موقعك في البداية وتخلي الاشخاص الي بيستفادوا منك يكون عندهم الفضول يبحثوا عن موقعك بنفسهم ويشتركوا فيه. وبالتوفيق صديقي