محمد عامر5

"كيف اتحرى الدقة في التسويق لمجال محدد؟" برافو عليك ، انت سألت السؤال الصح ، وانا هفهمك ايه هي أساسيات تحليل وفهم المجال تسويقياً وأفضل التكتيكات اللي من خلالها تقدر تحدد ايه هي أنسب وأهم الطرق التسويقية للبدء بها. + بونص هقولك على كام تكتيك تسويقي هيسعدك تزود ترافيك موقعك وتجذب الشريحة الأهم من العملاء. 1. فكر مين هو الشخص/الأشخاص اللي ممكن يستفيد من الخدمة/المنتج اللي بتقدمة؟ 2. ابحث اكثر واكثر عن الأشخاص وجمع اكبر قدر من المعلومات عنهم؟ ودي مهمة مش سهلة عمتا ومحتاجة خلفية تسويقية بس بما انك مصمم تعمل ده بنفسك فهوضحلك ايه هي اهم المعلومات المفيدة اللي تبدء تدور عنها. - متوسط عمرهم حوالى قد ايه - ثقافتهم ايه - استخدامهم للانترنت بيبقى عبارة ايه وبنسب ايه (مثلاً: بيستخدموا جوجل يومياً 15% من استخدامهم وبيدوروا على كذا وكذا وكذا، يستخدمون تويتر يومياً 70% من استخدامهم) ودي كده أهم المعلومات اللي تقدر تخليك تفهم الشريحة اللي تستهدفها ويجب عليك انك تقدم محتوى تسويقي أو تطور مشروعك بما يناسب الناس دي والناس دي بس وافتكر: "التسويق الفعال هو التسويق المحدد اللي يرضي شريحة مستهدفة مش اللي بيحاول يرضي كل الناس عشان عمر ما هيبقى في حاجة ترضي كل الناس" 3. حلل المنافسة المباشرة والغير مباشرة لو ليك منافسين في السوق العربي حلل تواجدهم الالكتروني ، نوع المحتوى اللي بيقدموه ، الطرق اللي بيستخدموها في التسويق وحدد: - ما هي نقاط قوتهم - ما هي نقاط ضعفهم - ما هو أكثر المحتوى اللي نال إعجاب متابعيهم - تصميم تجربة المستخدم لديهم ؟ - ما هي التكتيكات التسويقية التي يعتمدون عليها - هل في اي جديد هما عارفينه عن الشريحة المستهدفة؟ ومش بس كده ، بص كمان على امثلة عالمية من نوع البيزنس بتاعك وانا متاكد ان ده هيلهمك لأفكار جديدة ممكن تنفرد بيها انت في السوق العربي. وبعد المراحل دي هتكون قدرت تفهم وتعرف السوق بتاعك عبارة عن ايه ، مين المنافسين فيها وايه اللي يميزهم وايه نقاط ضعفهم ، والأهم انك هتكون فهمت مين هما اللي المفروض تركز عليهم شغلك التسويقي بشكل عام وفين تلاقيهم وازاي تعمل مواد تسويقية تعجبهم. +BONUS تابع ترند اليوتيوب في أهم الدول العربية بشكل دوري ، وفور دخول اغنية للتريند قم بإضافة كلماتها لموقعك ومن ثم قم بنشر اللينك في التعليقات. و الاجابة على "كيف احافظ على ما اقوم به في مجال التسويق عامتا" في منتهى البساطة: المتابعة والتحليل الدوري. تابع نتائجك بشكل دوري وقم بتحليلها لتعرف أي الطرق أكثر ربحاً لك للتركيز عليها ، وايهم ضعيفة وتحتاج لتطوير مجهوداتك بها أو ربما الاستغناء عنها ، ومن أفضل أدوات التتبع والتحليل المجانية: - قوقل انليتكس - قوقل سيرش قونصل - هوت جار - اسكريمنج فروج - ahrefs