وائل خليل

اوصف فوائد المنتج وليس مميزاتو او طرق تصنيعو لانو في ناس محى متخصصين فما بالك مثلا لو المنتج كان مختص في شي تقني ولا شي هندسي الناس محى تفهمك لزم تخاطبهم بعقليتهم شوف زبونك ايش نمط حياتو من السؤال بس بدون ماتحرجو وحاول تجعل المنتج حقك متناغم مع نمط حياتو وبيحللو مشاكلو معاك المسوق وائل خليل اذا تبغاني اساعدك في شي من دواعي سروري

السلام عليكم اشيد على راي مروى الحربي لزم تجزء سوق مواقع التواصل الاجتماعي لا اجزاء وتعرف كل دوله بتستخدم البرنامج لي ايش بالزبط والهدف من الموقع مثلا عندك لكند ان موقع مختص بالوظايف فمستحيل امكن تشوف في انو الناس بتتكلم عن رحلتهم العائيلة ورح تشوفها مثلا اذا صور في الانستقرام بس واذا تبغى توثق الحدث عندك السناب شات شوف الهدف من الموقع والهدف من الشي اللي تبغى وبناء علي هذا الشي اختار الشبكة معاك المسوق وائل خليل او الموقع^^^

باختصار التسويق يبني الاعلان يعني مثلا لولا التسويق كان ماعرفت مين هما زباينك وكيف يشترو وكم دخلههم وايش الاشياء اللي بيشتروها ومين متخذ القرار في عملية الشراء ومين اللي رح يدفع ومين اللي رح يقنعهم التسويق يديك نظرة على السوق اصلا من اسمو تسويق يعيني دراسة السوق الاعلان بيكون بكدا شكل وانت وهدفك من الاعلان ومن طريقة الاعلان فالتسويق الام والاعلان جزء بسيط من منظومة الترويج معاك المسوق وائل خليل اذا في اي شي تبغاني افيدك في يكون من دواع سروري

السلام عليكم ورحمة الله وبركاته اول شي لزم تسوي تحليل sowt عشان تشوف بيئتك زي الناس وتعرف انتا فين وحتوصل لفين وايش الفرص اللي رح تنميك وايش التهديدات اللي بتواجهك وايش نقاط الضعف وايش نقاط الضعف وتشوف منافسينك ايش الشي اللي بينميهم بناء عليها رح تجي اهدافك ورح تتبني عليها فلزم تحط خطة عمل عشان تعرف انت فين ورح تعمل كيف وتعرف الاشياء الجانبية اللي محى تركز عليها بعدين بعدين تبداء في 4ps اللي هيا المنتج والتسعير والترويج والتوزيع

السلام عليكم ورحمة الله وبركاته معاك المسوق وائل خليل نفس ماقلك الاستاذ محمد بس ضيف هذا الخط وهوا احسن خط في ناس في دوامتهم يبغو اكل بسبب انو دوامتهم بتكون طويلة وصعب يخرجو منها او عندهم عمل لساعات متاخرة وللستات اللي عندهم دوامات والرجال اللي عندهم دوامات وركز على ميزة تنافسية تميز نفسك فيها عن منافسيك وبخصوص هذا الشي شوف منافسينك واسئل ناس مثلا تعرفهم عن سبب شرائهم من منافسينك ومو منك اسئلهم عن مميزاتهم وعيوبهم طبعا حاول تسوي نفس مميزاتهم وتتجنب عيوبهم